NEW-Miss Hip Hop -نكبة ثانية

تاريخ التسجيل : 15/05/2009

مرحبا ..
أغنية جديدة .. كتبتها من زمان
وأجلتها كثير وهسا طلعت مع إنه وقتها من زمان كثير
الأغنية بتحكي عن الفتنة والحرب الأهلية بفلسطين..

بتمنى كل واحد يحكي رآيه بصراحه لأنه بتهمني أرائكم جدا
لحتى نتقدم أكثر وأكثر ..

الأغنية :
http://www.zshare.net/audio/6093477967b25d6e/

الكلمات :

ايديك مليانه بدم اخواتك
مش عم تعرف تنطق حتى كلماتك
جارك اخوك قتلته بايديك
اخوك يلي بحبك بخاف عليك
بتنام بتحط راسك على الوساده
بصير خيك يلي قتلتو عليك ينادي
يقولك ليش قتلتني ما انا اخوك
ما انا انت بس الناس حواليك خانوك
قالولك هاد مش منا هاد نوع تاني
هاد مش معنا هاد حزب تاني
شو حزب يا خيي ما حنا كلنا شعب
بكفيش اهانتنا وبكفيش الضرب
يلي عم بنشوفو من يلي احتلونا
كمان اهلي اخواتي يقتلونا
يا اخوي دمي موجود عكتافك
حتى يصحيك ويقولك الوقت فاتك

صار الهم بلون الدم
وتقاتلوا الإخوات

حمساوي فتحاوي صارت القضية
قلبوها بهالبلد صار عنا حرب اهليه
دشرنا اليهودي يتفرج علينا
وقلناله انت اتريح منتدمر بايدينا
ليش تغلب حالك وتضيع علينا رصاص
احنا منقتل بعض ومنشرد الناس
بطل عنا مشاكل حتى جبنا هالدونيه
صار دم اخونا حلال بهالقضية
يعني بكفيش المستوطن يلي غدره عامينا
والجندي يلي نذالته بكبها علينا
جايبلي فتنه من بره وبتقولي فتح وحماس
ما انا فلسطيني زيك وزي باقي هالناس
مسكت قلمي وعلى شعبي كتير قسيت
تخنت القضية وصار الوقت ادق البييت
بدناش اغاني وطنيه بدنا حل للمشاكل
بدنا نصحى على حالنا ونصحي يلي مش سائل

صار الهم بلون الدم
وتقاتلوا الإخوات

القائد الشهيد ياسر عرفات
وصانا وقالنا من قبل ما مات
الشيخ المجاهد أحمد ياسين
قلنا قبل ما يقابل رب العالمين
قالولنا وصونا انتوا اخوات
بلاش يفوت بينكم ويخرب الحياة
وتصير القضية بين الشعب والاخوة
وننسى الصهيوني وننسى النخوة
بدينا نصفي ببعض ونقتل الأبطال
عشان هداك فتح وهداك حماس قال
دم اخوك عجبينك ومدهون
لحتى يذكرك يقولك متت غدر ومخيون
انت ولدت هون وانا كمان زيك
طب ليش عم تقتلتني لك ما انا خيك
بدنا نحرر وطن ؟ وللا نخليه ينداس
احنا عنجد اخوه وللا هاد مجرد احساس

صار الهم بلون الدم
وتقاتلوا الإخوات

الموضوع الاصلى : NEW-Miss Hip Hop -نكبة ثانية المصدر : CRazy RappErs ConneCtion الكاتب : M!ss Hip Hop

تاريخ التسجيل : 16/12/2008

نايس ميس هيب هوب تسلمي

الموضوع الاصلى : NEW-Miss Hip Hop -نكبة ثانية المصدر : CRazy RappErs ConneCtion الكاتب : • LeGenD RaP )~

تاريخ التسجيل : 04/04/2009

جااااااااااااااااري

الموضوع الاصلى : NEW-Miss Hip Hop -نكبة ثانية المصدر : CRazy RappErs ConneCtion الكاتب : CRAZY BEATS MAKER

تاريخ التسجيل : 20/04/2009

مشكوووووووووووووووووور

الموضوع الاصلى : NEW-Miss Hip Hop -نكبة ثانية المصدر : CRazy RappErs ConneCtion الكاتب : bad