Miss Hip Hop-عيشــة غريبة - أغنية جديدة!!!

تاريخ التسجيل : 15/05/2009

مرحبا أخواني

جايبتلكم أغنية جديدة !! بتحكي عن الوضع في فلسطين
صح الموضوع أحكيت عنه كثير !!
بس مش رح أحكي عن مواضيع غير فلسطين ومشاكلها
لحد ما نحرر وطنا ومنصير نحكي عن شغلات تانية !!

إسم الاغنية : عيشة غريبة !!

الأغنية
http://www.zshare.net/audio/5733232430022d00/

اللحن من صنع أخوي
جيف !!

بتمنى تحكوا رأيكم بكل صراحة
لأنه كثير بهمني !

الكلمات :
لما العالم يخون ويغدر يخدع
لما تكون عيونك عم تدمع
لما كل شي عاطل تصير تسمع
لما الحياة الضحكة من قلبك تمنع

عيشة غريبة ما الها طعم
الحزن عم بصيبنا جوا القلب السهم
حياة بلا طعم صرتوا عم بتعيشوا
فوق بحر من الحزن صرتوا عم بتطيشوا
السبب انكم عايشين بلا فرح بلا أمل
عايشين على حلم وطن اللي انقتل
عايشين مع قلب تعيس حزين وانقفل
جواتو مغروس ألم جواتو في هموم
جواتو في مصايب عم بتزيد كل يوم
بس شو بدنا نعمل هيك هو قدرنا
نضل قاعدين وايدينا على خدنا
ما هو السكوت يلي دمرنا وهدنا
لازمها انك تعرف انو هاي مش عيشة
انو مش كل مره لازم تفوتها بتطنيشه
لازم توقف تفكر ولو لثانية ؟
وتقول للدنيا بعدين معك معك انت التانية

لما العالم يخون ويغدر يخدع
لما تكون عيونك عم تدمع
لما كل شي عاطل تصير تسمع
لما الحياة الضحكة من قلبك تمنع

انا بني ادم انا خلص بدي عيش ..
اني اوكل وانام هادا عندي بكفيش
احلامي لازم كلها تتحقق وتعيش
ركزي معي هون يا دنيا ولك متستغربيش
انا بدي احكي يلي بقلبي بكل صراحه
قلبي من الحزن صار بدو جراحه
اعيش عخبز وزيت هاد مش كلام
ليش عالم تانية عايشة
وانا هون بس بنام
قدرنا ومكتوب ياخي ما حكينا شي
بس مش لدرجة انو ما يكون عنا ولا شي
بلف بالحارة بين الشوارع بمشي
بشوف الناس زهقانه عيفانه حالها
بتستحي تحكي معها او تسألها مالها
شو بدك تسأل ما كل شي مبين عنا
ناس فقيرة ما الها غير تستنى
رحمة ربهم يلي رح يفرجها عليهم
شعب كلهم واحد واحد لفوق مادين ايديهم
بقولوا بكفي ياخي وقفوا مآسيهم
بس نفس الرد كل مره عم بكون
كل واحد حاله بس عم بحمي وبصون

لما العالم يخون ويغدر يخدع
لما تكون عيونك عم تدمع
لما كل شي عاطل تصير تسمع
لما الحياة الضحكة من قلبك تمنع

أخباري مكتوبه بعناوين عل جرايد
أحلامي إترجمت دموع عل وسايد
ما بدي قصور جسور ابد ماني رايد
بدي عيشه بدي وطن ما بدي شي زايد
ما بدي يشفقوا عليي ويكتبوا فيي قصايد
بدي شعب بلا حرب بدي وطن بلا ضرب
بدي حبر بلا قبر تا أكتب عوراق الصبر
قلبي هون انجرح وهون اتربى وعي وكبر
وجيش الاحتلال على دقاتو ولا مره قدر
بدي سلام بلا كلام بدي علم بلا ألم
بدي هويه بلا قضية بدي حريه بلا بندقية

لما العالم يخون ويغدر يخدع
لما تكون عيونك عم تدمع
لما كل شي عاطل تصير تسمع
لما الحياة الضحكة من قلبك تمنع

الموضوع الاصلى : Miss Hip Hop-عيشــة غريبة - أغنية جديدة!!! المصدر : CRazy RappErs ConneCtion الكاتب : M!ss Hip Hop

تاريخ التسجيل : 20/04/2009

مشكووووووووووووووووووووووووووووووووووور

الموضوع الاصلى : Miss Hip Hop-عيشــة غريبة - أغنية جديدة!!! المصدر : CRazy RappErs ConneCtion الكاتب : bad

تاريخ التسجيل : 02/09/2009

ثانكس

الموضوع الاصلى : Miss Hip Hop-عيشــة غريبة - أغنية جديدة!!! المصدر : CRazy RappErs ConneCtion الكاتب : (~•Mç 7άЌeEM

تاريخ التسجيل : 04/11/2009

مشكور

الموضوع الاصلى : Miss Hip Hop-عيشــة غريبة - أغنية جديدة!!! المصدر : CRazy RappErs ConneCtion الكاتب : >>>OMAR--FOX<<<