طبعا مستغربين من العنوان
و لكن في حياتنا اليومية وكل اللى بنشوفه ونسمعه كل يوم,,
ممكن الواحد منا يعجب ببعض الأندال
علي رأى المثل
" حتى الهم فيه ماتختار "
فى بعض الانواع من الاندال ممكن نعجب بيهم وهقولكوا ليه
بس بعد مانقول على كام مثال كدة ليهم نشوفهم سوا
الندل الاول
شاب على علاقة ببنت للتسلية ...لكن لما أهلها عرفوا قرر الزواج منها.
الندل الثاني
مسئول بيرتشي ويتكسب من منصبه ...لكن قرر قبل مايسيب منصبه أنه يعمل شيء مفيد لبلده و لأهل مدينته.
الندل الثالث
مدير مدرسة ينجح بعض الطلبة مقابل بعض الخدمات من أولياء الأمور... لكن بيساعد الطلبة اللى ميملكوش ثمن الكتب.
الندل الرابع
مقاول بيغش في التشطيبات ...لكن مش بيغش في الخرسانة .
الندل الخامس
جزار لازم يضيف الشحم مع اللحم ...لكن مش بيغش في الوزن.
الندل السادس
عامل بيعلى كتيرفي الثمن مقابل خدمته....لكن بيتقن عمله.
الندل السابع
مريض يدعي الفقر عشان يكشف عليه الدكتور مجانا...ولما يلاقى الدكتور تعب معاه يقرر بأنه يستحق تمن الكشف فيدفعه وهو راضي.
الندل الثامن
دكتور يغيب عن المستشفي عشان المريض يروحله في العيادة الخاصة...لكن بيعترف بإن لعلمه حدود ومش بيدعى العلم بالكذب.
الندل التاسع
مدرس يدفع الطلبة ياخدوا دروس خصوصية....لكن بيدرس بضمير في الحصة.
الندل العاشر
محامي يتحايل على القانون عشان يبرأ ظالم...لكن لا يتحايل علي القانون عشان يجرم برئ.
هنا بقى اقولكوا سر الاعجاب ايه
لا طبعا انتوا اللى هتقولوا وهتردوا امال هنتناقش إزاى يعنى
هل الانسان طبيعته الخير ولا الشر؟
هل ممكن انسان يكون جواه كله خير ... او جواه كله شر؟
هل التربية هى اللى بتحدد نسبة ان الخير يزيد جوة الانسان
عن الشر او العكس ..ولا دى طبيعة غير قابلة للتغيير؟
كفاية عليكوا كدة واسيبكم ترغوا بقى انا رغيت كتير
فى انتظار مناقشتكم
الرئيسية 
الأحد فبراير 27, 2011 1:38 pm
